UA-64077478-1

Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

SIMIN PALAY E LA LENGA OCCITANA

Aquestes torns, que i a valents qui s’i hèn a espudir, atacar e condemnar e au delà, lo bèth e gran tribalh qui an hèit e qui hèn enqüèra los militants bearnés e gascons a favor de la lenga deu país, la lenga d’Òc o occitan ; entermiei d’autas realizacions màgers, las escòlas laïcas Calandreta e las escòlas bilinguas de l’Educacion Nacionau. Que’s disen bearnogasconistas ;d’autes que s’estiman mei d’estar sonque bearnistas. Que refusan l’unitat de la lenga occitana dens la soa diversitat, com ac hèn los provençaus deu « Couleitiéu Prouvènço ». De mei, que hòrabandeishen la grafia classica per’mor, ce disen, qu’ei occitana e, dongas, estrangèra a la tèrra de Bearn.

 

De segur, tot aqueth brave monde que’s reclaman deus géncers autors gessits deu Felibritge. A noste, non dèishan pas de har valer Simin Palay e, sustot, de brandir lo son famós Diccionari, com d’autes e brandeishen la Bíblia o lo Coran, tà cridar la lor pertanhença a la familha qui s’a prometut de combàter, dia per dia, los cohets deus « occitans »… Que’vs liuri, entad aquò har, un article (en grafia febusiana) de Simin Palay qui’ns ditz la soa pensada sus la lenga d’Òc :

 

« Digam d’abord ço qui ey aus foundaments. Ue lengue debiengude la d’û gran païs, coum la lengue d’oc, coum lo francés, ue lengue souque d’oun soun yessits lous dialèctes : de la souque occitane que soun tirats lou proubençaus, lou gascoû, l’aubergnat, lou catalâ, etc… qui ets medichs an d’autes brancàdyes e qui apèren sos-dialèctes. Cadû, en dehore dous tèrmis de base qui soun la lengue coumune, que poudera pousseda û boucabulàri diferent dous besîs — diference de parla de bilàdye — mes la souque que tién toutes las branques e qu’ey d’ére qui tiren la sabe e la bite. Autaplâ lou francés e l’occitâ ne soun que dus dialectes d’ue mediche lengue, e que y a sos-dialectes francés, coum y a sos-dialectes occitâs. »

 

Commentaires

  • Ne compreni pas la darrera frasa de Palay : occitan e frances que serén dus dialectes d una lenga mairau e comuna, qu es plan aquò çò que devem comprener ?

Les commentaires sont fermés.